Fermerlər bir, Nazirlik başqa söz deyir

Bu ilin yanvar-aprel aylarında 266.8 min hektar sahədə yazlıq bitkilərin səpini aparılıb. Bu göstərici keçən ilin müvafiq dövrü ilə müqayisədə 12.8% azalma deməkdir.

Yazlıq buğda səpini təxminən 3 310 hektarda aparılıb. Bu rəqəm də keçən ilin müvafiq dövrü ilə müqayisədə 20.4% azalmanı göstərir. Cari ilin ilk 4 ayında kartof əkin sahələri 7.1%, tərəvəz əkin sahələri 7.9%, bostan əkin sahələri isə 22.4% azalıb.

Fermerlərin sözlərinə görə, əkin sahələrinin azalmasına səbəb məhsulların maya dəyərinin artmasıdır.

Ekspertlər bildirir ki, əkin sahələrinin azalmasına bir neçə amil təsir edə bilər. Bəzi sahələrin təyinatının dəyişdirilməsi, əkin sahələrinin uçota alınması zamanı yol verilmiş qeyri-müəyyənliklər də bu amillər sırasındadır.

O da qeyd edilib ki, ilin sonuna qədər statiska dəyişə bilər. Səpin mövsümü hələ yeni başlayıb və bütün əkin sahələrində bu proses həyata keçirilməyib.

Kənd Təsərrüfatı Nazirliyindən isə əkin sahələrinin azalmasını qeyri-sabit hava şəraiti ilə əlaqələndiriblər.