Hesablama Palatasının sədrindən büdcə xərcləri barədə vacib açıqlamalar

“Növbəti ilin əsaslı vəsait borcu xərclərinin proqnozunda ən fərqli məqam beynəlxalq kredit qurumlarının təqdim etdiyi kreditlərin 895,9 milyon manat proqnozlaşdırılmasıdır. Bu da cari ilin proqnozundan 3,7 dəfə çoxdur”.

Bunu Milli Məclisin İqtisadi siyasət, sənaye və sahibkarlıq komitəsinin noyabrın 18-də keçirilən iclasında “Azərbaycan Respublikasının 2025-ci il dövlət büdcəsi haqqında” qanun layihəsinin müzakirəsində Hesablama Palatasının sədri Vüqar Gülməmmədov deyib.

“Bu vəsaitin 88,4 milyon manatı 4 keçid, 807,5 milyon manatı isə 8 yeni layihə üçün proqnozlaşdırılıb. Növbəti ildə işğaldan azad olunmuş ərazilərin yenidən qurulması və bərpası üçün cari ilin ilkin proqnozundan çox, yenidən baxılmış göstəricisinə isə az vəsait nəzərdə tutulub”, – deyə V.Gülməmmədov əlavə edib.