İqtisadiyyatımızı öz ehtiyatlarımıza əsaslanaraq quracağıq

“Son 20 ildə iqtisadiyyatımız üç dəfədən çox artıb. Düşünürəm ki, bu, dünya rekordu hesab oluna bilər”.

Bunu Prezident İlham Əliyev martın 13-də Berlində Almaniyanın aparıcı şirkətlərinin rəhbərləri ilə görüşdə deyib.

“Eyni zamanda birbaşa xarici borcun azalması strategiyasına əsaslanaraq, biz xarici borcumuzu azaltmışıq və 2023-cü il yanvarın 1-nə olan məlumata görə, bu, ÜDM-in 10 faizindən aşağı olub. Faktiki olaraq bu, mənim bir neçə il bundan əvvəl hökumətin qarşısında qoyduğum hədəf idi. İndi hədəfə nail olunduğundan biz borclanma strategiyamıza yenidən başlayırıq. Artıq Dünya Bankı, Avropa Yenidənqurma və İnkişaf Bankı və bir neçə başqa beynəlxalq maliyyə institutları ilə ilkin məsləhətləşmələrə başlamışıq”, - deyə dövlət başçısı vurğulayıb.

Prezident əlavə edib ki, əvvəlki illərdən fərqli olaraq indi şirkətlərimizin və sənaye sektorumuzun imkanları artdığı üçün infrastruktur layihələri, yol tikintisi, dəmir yolu və s. üçün vəsaitə ehtiyac yoxdur: