Mikayıl Cabbarov inflyasiyanı azaldan səbəblərdən danışdı

Son aylarda qlobal ərzaq bazarlarında qiymətlərin, ticarət tərəfdaşı olan ölkələrdə inflyasiyanın nisbətən səngiməyə başlaması, hökumət tərəfindən antiinflyasiya tədbirlərinin həyata keçirilməsi inflyasiyanın tədricən yavaşlamasına imkan verib. Nəticədə 2023-cü ilin 9 ayında inflyasiya 10,9% olub”.

Bunu Milli Məclisin noyabrın 13-də keçirilən plenar iclasında nazir Mikayıl Cabbarov bildirib.

"İqtisadi artımın davam etməsi və şəffaflaşma şəraitində cari ilin 10 ayında dövlət büdcəsinə 14,6 milyard manat vergi daxilolmaları təmin edilib, proqnozdan əlavə 1,1 milyard manata yaxın vergi toplanıb.

Qeyri-neft-qaz sektoru üzrə dövlət büdcəsinə 8,4 milyard manat vergi daxilolmaları təmin edilib, proqnozdan əlavə 550,0 milyon manat vergi toplanıb.

Sektor üzrə daxilolmalar ötən ilin eyni dövrünə nisbətən 19,0%-dən çox artıb. Cari ilin 9 ayında dövlət büdcəsinin gəlirlərində qeyri-neft-qaz gəlirlərinin xüsusi çəkisi 59,5% təşkil edib", – deyə o qeyd edib.