Naxçıvanda alternativ enerji: yaşıl enerjinin mənbəyi

Naxçıvanda ilk günəş elektrik stansiyası 2015-ci ildə istifadəyə verilib. Hazırda müxtəlif bölgələr üzrə 4 stansiya fəaliyyətini davam etdirir. Yaxın gələcəkdə isə yeni stansiyaların qurulması nəzərdə tutulur.

Naxçıvan Günəş Elektrik Stansiyasının direktoru Fərid Səfərov bildirib ki, Naxçıvanda quru iqlim landşaftı, dağ, dərə-təpə çox olduğundan yararsız torpaqlarda belə stansiyaların tikilməyi bizim üçün effektli işdir. Alternativ enerji təbiətin mühafizəsi üçün çox önəm daşıyır.

Qeyd edək ki, sentyabr 29-da Naxçıvanda Türkiyə-Azərbaycan III enerji forumu keçiriləcək. Qarşılıqlı birgə əməkdaşlıqlar nəticəsində Muxtar Respublikanın alternativ və bərpaolunan enerji potensialına uyğun olaraq yeni günəş, külək və su elektrik stansiyalarının qurulması gözlənilir. Bu isə Naxçıvanı böyük enerji ixracatçısı regiona çevirəcək.