İqtisadiyyat
Pleyeri seçin:
Rəqəmlər açıqlandı | Azərbaycana ən çox bu ölkələrdən pul göndərilib
Bu ilin I yarısında Azərbaycana xaricdən 567,8 milyon ABŞ dolları, Azərbaycandan xaricə isə 259,6 milyon ABŞ dolları pul köçürülüb.
Bu barədə Azərbaycan Mərkəzi Bankında keçirilən brifinqdə qurumun Statistika departamentinin direktoru Samir Nəsirov bildirib.
O qeyd edib ki, hesabat dövründə Azərbaycana ən çox pul baratı Rusiya (287 milyon ABŞ dolları), Türkiyə (82,3 milyon ABŞ dolları), ABŞ (30,5 milyon ABŞ dolları), Gürcüstan (17,4 milyon ABŞ dolları) və Birləşmiş Krallıqdan (16,1 milyon ABŞ dolları) daxil olub.
6 ayda ölkədən xaricə köçürülən pul baratlarının həcminə görə isə ilk 5-likdə Türkiyə (76,6 milyon ABŞ dolları), Rusiya (29,4 milyon ABŞ dolları), ABŞ (28,3 milyon ABŞ dolları), Gürcüstan (25,1 milyon ABŞ dolları) və Birləşmiş Krallıq (13,6 milyon ABŞ dolları) qərarlaşıb.
Kopyalandı
Seçilmişlər
