Rusiya Ermənistana qaz nəqlini dayandırdı

Rusiyadan Ermənistana təbii qaz nəqli müvəqqəti dayandırılıb.

Bu barədə “Qazprom Ermənistan” məlumat yayıb. Şirkətin mətbuat xidmətindən verilən məlumata görə, nəqlin dayandırılması mayın 1-dən 4-nə qədər “Şimali Qafqaz-Zaqafqaziya” magistral qaz kəmərində nəzərdə tutulan təmir işləri ilə əlaqədardır.

Ermənistan istehlakçılarının qaz təchizatı indi daxili ehtiyatlar hesabına həyata keçirilir. Həmçinin sözügedən şirkət Ermənistanda qazın nəqli, saxlanması, bölüşdürülməsi və satışı, qaz nəqli sisteminin və yeraltı qaz anbarının yenidən qurulması və genişləndirilməsini həyata keçirir.