SOCAR və Misirin Dövlət Neft Korporasiyası arasında saziş imzalandı - Baku TV

Qahirədə keçirilən 9-cu Misir Beynəlxalq Enerji Konfransı və Sərgisi (EGYPS 2026) çərçivəsində “SOCAR Trading” şirkəti ilə Misirin Dövlət Neft Korporasiyası (EGPC) arasında əməkdaşlığa dair çərçivə sazişi imzalanıb.

“Azərtac”ın məlumatına görə, “SOCAR Trading”in baş icraçı direktoru Natiq Mustafayev bildirib ki, SOCAR artıq 15 ildir Misirlə əməkdaşlıq edir:

“Bu saziş əməkdaşlığın daha da genişlənməsinə şərait yaradacaq. Müxtəlif sahələrdə investisiya və ticarət imkanlarımız artacaq”.

EGPC-nin icraçı direktoru Salah Əbdülkərim isə qeyd edib ki, bu sənəd SOCAR-ın neft və qaz məhsullarının Misir bazarına çıxışını daha da asanlaşdıracaq.

S.Əbdülkərim əlavə edib ki, Azərbaycan ilə Misir arasında dövlət rəhbərləri və aidiyyəti qurumlar səviyyəsində sıx əməkdaşlıq mövcuddur və ölkəsi neft-qaz sektorunda bu əlaqələrin daha da dərinləşdirilməsində maraqlıdır.