Tramp kimləri “hədəfə aldı”? - Azərbaycan siyahıdadır, Rusiya isə...

ABŞ Prezidenti Donald Tramp Vaşinqtonun bir sıra ölkələrə tətbiq etdiyi rüsumların həcmini açıqlayıb.

Onun sözlərinə görə, ABŞ tariflərinin həcmi digər ölkələrin xarici mallara münasibətdə təyin etdikləri rüsumlardan ikiqat az olacaq.

Ağ Evin rəhbəri çıxışı zamanı tariflərin olduğu cədvəli təqdim edib. Bildirib ki, Çindən idxala 34%, Avropa İttifaqına isə 20% həcmində gömrük rüsumları tətbiq edəcək.

Bundan əlavə, oxşar tədbirlər Vyetnam, Hindistan, İndoneziya, Kamboca, Malayziya, Koreya Respublikası, Tayland, İsveçrə, Yaponiya və digər ölkələrə də təsir edəcək.

Eyni zamanda ABŞ administrasiyası aprelin 3-dən idxal edilən bütün avtomobillərə 25% rüsum, Ukraynadan idxala 10% həcmində cavab gömrük rüsumları nəzərdə tutub.

Bildirək ki, 25 faiz rüsum Bakı vaxtı ilə aprelin 3-ü saat 08:00-dan etibarən qüvvəyə minib.

Tramp ABŞ-yə idxal olunan bütün məhsullara keçmiş SSRİ ölkələri üçün də müxtəlif rüsum dərəcələri tətbiq edib. Yüksək faiz tətbiq olunan ölkələr sırasında 54%-lə Qazaxstan yer alır. Türkiyə, Ermənistan və Azərbaycana isə 10% tətbiq edilib.

Qeyd edək ki, siyahıda Rusiyanın adı yoxdur.