Baku TV 2025-ci ilin ilk 6 ayında “YouTube” platformasında liderliyini qoruyur

Azərbaycanın aparıcı media qurumlarından biri olan Baku TV televiziya yayımı ilə yanaşı, rəqəmsal platformalarda geniş auditoriya cəlb etməyə davam edir. Kanalın təqdim etdiyi operativ xəbərlər, canlı yayımlar, süjetlər, analitik təhlillər, araşdırmalar və müəllif proqramları izləyicilərin marağına səbəb olur.

Belə ki, 2025-ci ilin ilk altı ayı ərzində Baku TV “YouTube” platformasında 332.740.726 baxış sayı ilə ölkə ərazisində fəaliyyət göstərən telekanallar arasında lider mövqeyini qoruyub-saxlamaqdadır.

Operativ xəbərləri, 24 saat fasiləsiz yayımları və 5 dildə təqdim olunan proqramları ilə fərqlənən Baku TV-nin Azərbaycan, ingilis və rus dillərində fəaliyyət göstərən “YouTube” kanallarının ümumi abunəçi sayı artıq 3 milyona yaxınlaşır.

Qeyd edək ki, Baku TV 2024-cü ildə də “YouTube” platformasında uğurlu nəticələr əldə edib. Ötən il “YouTube”da baxış sayı 1 milyardı keçib. 2025-ci ildə isə təkcə Baku TV Ru bu baxış sayını keçməyə nail olub. Bu da Azərbaycanda fəaliyyət göstərən televiziya kanalları arasında rekord göstəricidir.

Hazırda Baku TV-ni bütün yerli provayderlər və peyk vasitəsilə Azərbaycanla yanaşı, Avropa və Asiya regionlarında izləmək mümkündür. Baku TV-ni evdə, işdə, istirahətdə və ya səfərdə – televizor və ya internet bağlantısının olduğu dünyanın istənilən nöqtəsində izləmək mümkündür.