176 ailə üçün yeni mənzillər tikiləcək | Qubadlıda müasir yaşayış məhəlləsi salınır - Baku TV

Qubadlının birinci yaşayış kompleksində müasir yaşayış mühitinin yaradılması istiqamətində tikinti-quruculuq işləri sürətlə davam edir.

34 hektar ərazini əhatə edən yaşayış məhəlləsində ümumilikdə 176 mənzilin inşası planlaşdırılıb. İllər sonra sakinlər yenidən öz ata-baba yurdlarına qayıdaraq burada firavan həyatlarını davam etdirəcəklər.

Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidmətinin icraçı direktoru Növrəs Cəfərov bildirib ki, yaşayış kompleksi 21 binadan və 176 mənzildən ibarət olacaq:

“Mənzillər əsasən iki və üç otaqdan ibarətdir. Ümumilikdə yaşayış kompleksinin ərazisində oyun meydançaları, yaşıllıq sahələri, yeraltı və yerüstü dayanacaqların da inşası nəzərdə tutulub”.