Aleksandr Şarovskinin dəfn mərasimindən görüntülər - Baku TV

Azərbaycan teatrının görkəmli nümayəndəsi, Xalq artisti, rejissor və aktyor Aleksandr Şarovski son mənzilə yola salınıb. Onun dəfn mərasimi İkinci Fəxri xiyabanda baş tutub.

Qeyd edək ki, o, 78 yaşında müalicə aldığı Mərkəzi Klinik Xəstəxanasında dünyasını dəyişib.

Rus Dram Teatrının direktoru Oleq Əmirbəyov onunla bağlı xatirələrini bölüşüb.

“Aleksandr Şarovskini uşaqlıqdan tanıyıram və uşaqlığımın ən parlaq səhifələrindən biri elə onunla bağlıdır. Bir aydan çox xəstəxanada ağır vəziyyətdə müalicə aldı. Biz onun sağalacağına ümid edirdik. Amma təəssüf ki, aramızdan ayrıldı. Bu ağır günlərdə müalicəni nəzarətə götürdüyünə görə kollektivimiz adından ölkə rəhbərliyinə, çox hörmətli Mehriban xanıma və Heydər Əliyev Fonduna təşəkkürümü bildirirəm”, – deyə o qeyd edib.