Badamdarda tülkülər məskən saldı | Sakinlər Baku TV-yə danışdı

Səbail rayonu, Badamdar qəsəbəsi, "3-cü massiv" adlanan ərazidə tülkülər sözün əsl mənasında məskən salıb.

Sakinlər deyirlər ki, daha çox səhər və axşam saatlarında peyda olurlar.

“Tülkülər bizi bezdirib, basıb buranı, toyuq-cücə qalmayıb. Ən çox gecə olur. Bir də səhər saat 9-10-a kimi. Balaca uşaqlar qorxurlar, tülkülər onların üstünə cumur. Boş yerlər var, 6-7 dənəsi orada birdən qalır”, – sakin narazılığını bildirib.

Məsələ ilə bağlı Zoologiya İnstitutundan bildirilib ki, tülküləri şəhərə cəlb edən başlıca səbəb məişət tullantılarıdır:

“Tülkülər sinontroplaşır, yəni insan məskənlərində yaşamağa başlayır. Şəhərdə onların belə kütləvi artmasına səbəb burada əldə edəcəyi yeməyin olmasıdır”.