Bazarda bu məhsulların qiyməti düşdü | Ucuzlaşma davamlı olacaq, yoxsa...?

Bazarlarda bir çox kənd təsərrüfatı məhsulunun qiyməti ötən ayla müqayisədə aşağı düşüb. Amma təcrübə onu göstərir ki, ucuzlaşma davamlı olmur. Hətta havaların getdikcə istiləşməsinə baxmayaraq, qiymətlər yenidən yüksələ bilir.

İqtisadçı Rəşad Həsənov qiymət dəyişikliklərinə təsir göstərən əsas amillər kimi iqlim dəyişikliklərini, quraqlığı, məhsuldarlığın azalmasını və ixrac bazarlarında yaranan kəskin tələbi qeyd edib:

“Məsələn, Azərbaycan kənd təsərrüfatı məhsullarını əsasən Rusiyaya ixrac edir. Orada müəyyən səbəblərdən hansısa məhsula tələbatın kəskin artması Azərbaycandan həmin məhsulun ixracının intensivliyini artırır. Bu da daxili bazarlarda təklifi qıtlığına və qiymət artımına gətirib çıxardır”.

Xarici bazarlara məhsullarına çıxarılmasındakı çətinliklər yerli bazarda qiymətlərin enməsini şərtləndirir. Digər tərəfdən kənd təsərrüfatı sahəsində risklərin yüksək olması qiymət dəyişkənliyini labüd edir.