Bu bizim üçün ən böyük travmadır | Ata-anasız böyüyən qızdan ürəkdağlayan sözlər

Dövlət Statistika Komitəsinin məlumatına görə, 2023-cü ildə müxtəlif səbəblərdən zərərçəkən qızların sayı 293 nəfərdir. Onlardan 6-sı məhz məişət zorakılığının qurbanı olub.

Azərbaycan Uşaqlar Birliyinin sədri Kəmalə Ağazadə deyir ki, sığınacağa yerləşdirilən 40 uşaqdan 29-u əsasən 12-18 yaş arasında olan, cinsi, fiziki, psixoloji basqılara məruz qalan qızlardır.

Ailə, Qadın və Uşaq Problemləri üzrə Dövlət Komitəsinin məlumatına əsasən, 2024-cü ilin ilk 9 ayı ərzində adıçəkilən quruma 221 müraciət daxil olub. Müraciət edənlərin 187-si qadınlardır.

Qeyd edək ki, 11 oktyabr BMT Baş Assambleyasının qərarı ilə 2012-ci ildən etibarən Beynəlxalq Qızlar Günü kimi təsis edilib. Məqsəd qız uşaqlarının hüquqlarının müdafiəsi, oğlan və qızlar arasında gender bərabərliyinin təmin olunması, müxtəlif növ ayrı-seçkilikdən əziyyət çəkən qızlara diqqəti yönəltməkdir.