Bu insanlarda narazılıq və mənfi emosiya çoxdur | Əsəbilik yaradan amillər

Son tədqiqatlar uzun müddət davam edən özünənəzarətin yorğunluq və aqressivliyə səbəb ola biləcəyini ortaya qoyub.

44 nəfərə cihaz vasitəsilə beyindəki hərəkətləri ölçmək tapşırığı verilib. Araşdırmada iştirak edən şəxslər 45 dəqiqə boyunca müxtəlif kompüter əsaslı proqramlara, o cümlədən duyğusal videoların izlənilməsi kimi fəaliyyətlərə yönləndirilib.

Bu prosesdə iştirakçıların yarısına öz duyğusal reaksiyalarını idarə etməyi tələb edən tapşırıqlar verilib. Məsələn, izlədikləri duyğusal videolara heç bir reaksiya verməmək kimi özünənəzarəti tələb edən fəaliyyətlər yerinə yetiriblər.

Tədqiqatın nəticələri göstərib ki, özünənəzarəti tətbiq edən şəxslərin beynindəki qərar vermə və impulsların idarə edilməsi ilə əlaqəli bölgələrdə delta beyin dalğası aktivliyində artım baş verib.

Bu dəyişiklik beyindəki enerjinin bu bölgələrdə daha çox toplanması nəticəsində iştirakçılarda yüksək dərəcədə tükənmə və aqressiv reaksiya formalaşdırıb.

Araşdırmanın digər bir mərhələsində isə 403 fərd yenidən iki qrupa ayrılıb və cihazı istifadə etmədən eyni testlər təkrarlanıb. Nəticələr özünənəzarəti tətbiq edən iştirakçıların digərlərinə nisbətən daha aqressiv cavablar verdiklərini göstərib.

Bu, uzun müddət özünənəzarət tətbiq edən şəxslərin ətraflarına qarşı daha yüksək narazılıq və mənfi emosiyalar bəslədiklərini ortaya çıxarıb. Bu araşdırma insan davranışlarının uzun müddət davam edən özünənəzarətin proseslərindən necə təsirləndiyini göstərərək xüsusilə psixoloji sağlamlıq sahəsində yeni yanaşmaların inkişafına təsir edəcək.