COP29-un ikinci günü neçə sərnişin ünvana çatdırıldı? | AYNA-nın sözçüsündən açıqlama

“Noyabrın 12-si – COP29-un ikinci günündə daşıma sayı turistlərin yerüstü nəqliyyat xidmətlərinə yüksək marağını nümayiş etdirir. Bu da bizim beynəlxalq arenada keyfiyyətli və etibarlı nəqliyyat həlləri təqdim etmək qabiliyyətimizi təsdiqləyir”.

Bu barədə Azərbaycan Yerüstü Nəqliyyat Agentliyindən (AYNA) bildirilib.

Qeyd olunub ki, ötən gün 18 Nəqliyyat Mübadilə Mərkəzindən edilən 4 200-dən çox səfər nəticəsində ümumilikdə 45 minə yaxın sərnişin getdiyi ünvana çatdırılıb. Bu sərnişindaşıma əməliyyatlarında Agentliyin 350 əməkdaşı iştirak edib.

Nəqliyyat vasitələrini düzgün yönləndirilməsi sayəsində sərnişinlərin rahat və təhlükəsiz şəkildə Heydər Əliyev Beynəlxalq Aeroportundan H1 ekspres avtobusu ilə metronun “28 May” və H2 ekspres avtobusu ilə “Əhmədli” stansiyalarına çatdırılması həyata keçirilib.