"Kinosevərlərin hamısı buradadır" | Laçında Beynəlxalq Film Festivalı  - Baku TV

Laçında Beynəlxalq Film Festivalı keçirilir.

Festivalda nümayiş olunmaq üçün Türkiyə, İran, Pakistan, Fransa, Ukrayna və digər ölkələrdən olmaqla ümumilikdə 47 ölkədən 300-ə yaxın film təqdim edilib.

Onlardan 20-si xarici, 18-i isə Azərbaycan filmi olmaqla ümumilikdə 38 film festivalın əsas proqramına daxil edilib.

Festivalın sonunda müsabiqədə qalib gələn 7 film Laçın Beynəlxalq Film Festivalının rəsmi mükafatı olan “Qızıl Palıd Budağı”na layiq görüləcək.

Xalq artisti Şamil Süleymanlı festivalın keçirilməsini böyük bayram kimi qiymətləndirib:

“Əslində, bu bizim üçün festivaldan çox böyük bir bayramdır. Möhtəşəm şəkildə təşkil olunub. Xaricdən də qonaqlarımız var. Türkiyədən, İrandan, Ukraynadan, Norveçdən, Qazaxıstandan”.