“Peyvənddən sonra belə oldu” | Ağır xəstəlikdən əziyyət çəkən Könülün anası imdad dilədi - Baku TV

2015-ci il təvəllüdlü Könül Mövsümlü 11 ildir serebral iflicdən əziyyət çəkir.

Valideynləri qızlarının müalicəsi üçün Mingəçevirdən Bakıya köçərək kirayə yaşamağa məcbur olublar.

Anası Esmira Mövsümova bildirir ki, özü də onkoloji xəstəlikdən əziyyət çəkir. Maddi çətinliklər səbəbindən nə özü, nə də qızı davamlı müalicə ala bilir.

Esmira Mövsümova Könülün peyvənddən sonra sinir sisteminin zədələndiyini və bu səbəbdən vəziyyətinin pisləşdiyini qeyd edib:

“Mənim qızım peyvənddən sonra belə oldu. AKDS peyvəndi vuruldu, sinir sisteminə toxundular. Ondan sonra belə vəziyyətə düşdü. Düzəlmək şansı var. İstəyirəm ki, qızım öz sağlamlığına qovuşsun, heç kimə möhtac olmasın”.

Ana həm kirayə, həm də müalicə xərclərini qarşılamağın onlar üçün çox çətin olduğunu bildirərək xalqdan dəstək istəyib:

“Bir ana olaraq sizə yalvarıram, biganə qalmayaq, Könülə dəstək olaq. 11 ildir hər çətinliyə dözərək gətirmişəm, amma artıq gücüm tükənib”.

“Yerimək istəyirəm. Mən də başqaları kimi məktəbə gedim”, – deyə 11 yaşlı Könül söyləyib.