"Elə bil onun qarşısında acizdirlər" | Sumqayıtda piyada yolunu kim hasarlayıb? - Baku TV

Sumqayıt şəhəri, İnşaatçılar qəsəbəsi, “1 saylı asfalt-beton zavod” adlanan ərazidə yaşayan sakinlər iddia edirlər ki, əsas giriş-çıxış yolu qanunsuz şəkildə hasarlanıb və gediş-gəliş üçün sadəcə kiçik bir keçid qoyulub.

Problem bununla da bitmir. Onlar ərazidə fəaliyyət göstərən avtoyuma məntəqəsindən də şikayətçidirlər. Bildirirlər ki, sözügedən obyekt fasiləsiz şəkildə işləyir və səs-küydən narahat olurlar.

Sakinlərin sözlərinə görə, ərazini hasarlayan şəxs onlara bildirib ki, qonşulardan birinə məxsus köhnə tikili tövlə sökülməlidir və vətəndaşlar oradan açılan yolla gedib-gəlməlidirlər.

“Deyir ki, ərazi mənimdir, istifadə etməyin. Qurumlar da gəlib baxıb gedirlər. Elə bil bu adamın qarşısında acizdirlər”, – deyə şikayətçi Əşrəf Qasımov narazılığını bildirib.