"Göz qabağındadır, 2-3 gün yalandan..." | Qobu sakinlərinin problemi niyə həll edilmir? - Baku TV

Abşeron rayonu, Qobu qəsəbəsində yaşayan sakinlər uzun müddətdir ki, üfunət içində yaşamağa məhkum olublar.

Sakinlər deyirlər ki, təxminən üç aydan çoxdur onların evinin yaxınlığından keçən kanalizasiya xətti partlayıb. Nəticədə isə küçəni su basıb.

“Problem göz qabağındadır. Kanalizasiya daşıb. Gəlirlər, yalandan iki-üç gün əlləşirlər, yenə eyni vəziyyət olur”, – deyə şikayətçi narazılığını bildirib.

Mövcud vəziyyətlə əlaqədar İri Şəhərlərin Birləşmiş Su Təchizatı Xidmətindən bildirilib ki, məsələ ilə bağlı Abşeron Regional Su Meliorasiya Sistemlərinin İstismarı İdarəsinə məlumat verilib. Əraziyə birqada cəlb ediləcək, müvafiq işlər görülərək xətt bərpa ediləcək.