"Saçım əlimdə qaldı, tüklərim biz-biz oldu" | 17 yaşında xərçəng xəstəsi olan Səfərin təsirli həyatı

“Arzunun vaxtı” verilişinin yeni buraxılışında onkoloji xəstəlikdən əziyyət çəkən Səfər İsgəndərov öz həyat hekayəsini danışıb.

19 yaşlı gənc bildirib ki, ona xərçəng diaqnozu 17 yaşında qoyulub və xəstəliyini ailəsinin sosial şəbəkələrdə onun kart hesabını paylaşmasından sonra öyrənib.

Onun sözlərinə görə, ən böyük arzusu İdman Akademiyasına qəbul olunaraq müəllim kimi fəaliyyət göstərmək idi:

“6 il sərbəst güləşlə məğul oldum. İmtahana az qalmış xəstəxanaya düşdüm, xəyallarım puç oldu”.

S.İsgəndərov kimyaterapiya prosesindən danışarkən bildirib ki, müalicədən sonra şiş nisbətən kiçilsə də, saçları tökülməyə başlayıb:

“Saçım uzun idi. Buruğunu açanda əlimdə qaldı. Tüklərim biz-biz oldu. Yanımda heç kim yox idi, saçımın hamısını qırxdım. 68 dəfə kimyaterapiya aldım, 74-dən 44 kiloya düşdüm”.

Səfər şəxsi həyatı ilə bağlı sualı cavablandırarkən deyib ki, xəstəliyinə görə sevdiyi xanımdan uzaqlaşmalı olub:

“Çox pis vəziyyətdə idim. Əvvəl razı olmadı, sonra özümdən soyutdum. Hazırda nişanlıdır”.