Sosial şəbəkələr, həqiqətən də, bizi dinləyirmi? | Mütəxəssisdən açıqlama

Sosial şəbəkələrin istifadəçiləri mikrofonlar vasitəsilə gizli şəkildə dinləməsi ilə bağlı yayılan iddialara Meta şirkəti və İnstaqram rəhbəri Adam Mosseri rəsmi olaraq cavab verib. Onlar şəxsi hesablarında yayılan video vasitəsilə bu iddiaları qətiyyətlə təkzib ediblər. Mütəxəssislərin açıqlamasına görə, reklamların gündəlik söhbətlərimizə uyğun gəlməsinin əsl səbəbi texnoloji imkanlardır. Belə ki, süni intellekt və böyük məlumatlar (big data) texnologiyaları istifadəçilərin tətbiqdaxili davranışlarını, axtarışlarını və baxışlarını dərin təhlil edir. Bu, platformalara səs yazıları olmadan da fərdiləşdirilmiş reklamları dəqiq hədəfləməyə imkan verir, bu da istifadəçilərdə dinlənilmə hissi yaradır.