Tənhalığın insana mənfi təsirləri | Araşdırmanın nəticələri açıqlandı

Gənc və orta yaşda tənhalıq idrak sağlamlığını poza bilər.

Bu barədə “Public Health” jurnalında dərc olunmuş araşdırmada qeyd olunur.

Xroniki tənhalıqdan əziyyət çəkən iştirakçılar sosial baxımdan özlərini qapalı hiss edənlərlə müqayisədə idrak testlərində irəliləyiş göstərməyiblər.

Araşdırmada 25-65 yaş arası 172 nəfər iştirak edib və onların göstəriciləri iki il ərzində izlənilib. İştirakçılar gündə beş dəfə telefonlarında məntiq oyunları oynayıblar. Tənhalığın səviyyəsi isə “Özümü tərk edilmiş hiss edirəmmi?” kimi suallarla aparılan sorğu vasitəsilə qiymətləndirilib.

Alimlər müəyyən ediblər ki, xroniki tənhalıq öyrənmə qabiliyyətinə mənfi təsir edir.

İştirakçılar təkrarlanan tapşırıqlara baxmayaraq, nəticələrini yaxşılaşdıra bilməyiblər. Bu, Parkinson xəstəliyi və neyrodegenerativ xəstəliklərlə əlaqəli pozuntuların erkən əlaməti ola bilər.

Araşdırma göstərir ki, sosial və idrak sağlamlığına yatırımlar mümkün qədər erkən mərhələdə edilməlidir.

Mütəxəssislər məqsədli ünsiyyətə və sosial əlaqələrin saxlanmasına diqqət yetirməyi tövsiyə edirlər. Bu, təkcə əhvali-ruhiyyə məsələsi deyil, həm də beyinin uzunömürlülüyü üçün vacib bir amildir.