Tütün məhsullarının istifadəsi məhdudlaşdırılacaq? - Baku TV

"Tütün məmulatlarının istifadəsinin məhdudlaşdırılması və reklamının qadağan edilməsi haqqında bir neçə qanun var. Təəssüflər olsun ki, bu qanunlar hüquqi cəhətdən əsaslandırılmış və mükəmməl olsa da, onların tətbiqi ilə bağlı müsbət nəticələr əldə edilmir".

Bunu Milli Məclisdə üç komitənin birgə iclasında parlamentin Əmək və sosial siyasət komitəsinin sədri, deputat Musa Quliyev deyib.

Komitə sədri bildirib ki, xüsusən də "Tütün məmulatlarının istifadəsinin məhdudlaşdırılması haqqında" qanun demək olar ki, tətbiq olunmur. Qanunun icrasına nəzarət edən qurumlar da bu sahədə kifayət qədər işləmir:

"Məktəblərin yaxınlığında köşklərdə siqaretlər dənə-dənə satılır. Bu, qanunun ciddi şəkildə pozulmasıdır".