Universitet Firəngiz Mütəllimova və Əliqismət Lalayevdən üzr istədi

Azərbaycan Dövlət Mədəniyyət və İncəsənət Universitetinin saytında Xalq artisti Firəngiz Mütəllimova və Əməkdar incəsənət xadimi Əliqismət Lalayevin ad və soyadlarının ingilis dilində səhv yazılması sosial şəbəkədə müzakirə mövzusu olub.

Məsələ ilə bağlı universitetin rəsmi açıqlamasında dəyərli sənətkarlarımızdan üzr istənilib.

Universitet xarici tələbələr və partnyorlar üçün saytın əlçatanlığını artırmaq məqsədilə ona süni intellekt əsaslı "DeepL Translate" modulu inteqrasiya edildiyini, proqramda son yenilənmə zamanı bəzi xüsusi və şəxs adlarının avtomatik tərcümədə yanlış göstərildiyinin müşahidə olunduğunu və texniki komandanın problemi dərhal müəyyən edərək düzəlişlərə başladığını qeyd edib.