Ustad Aşıq Hüseyn Saraçlının xatirəsi anılıb və sənətə verdiyi töhfələr yad edilib - Baku TV

Tbilisidəki Mirzə Fətəli Axundzadə adına Azərbaycan Mədəniyyəti Muzeyində türk dünyasının görkəmli saz-söz ustadı Aşıq Hüseyn Saraçlının anadan olmasının 110 illiyinə həsr olunan anım tədbiri keçirilib.

Professor Mahmud Kamaloğlu jurnalistlərə açıqlamasında bildirib ki, Hüseyn Saraçlı 8 filmdə çəkilmiş yeganə ustad aşıqdır. O, 20-dən çox şagird yetişdirib.

Araşdırmaçı Rəşad Əliyev Saraçlı isə vurğulayıb ki, Aşıq Hüseyn Saraçlı Dədə Qorqud obrazını canlandırmış ilk aşıqdır.

Xatırladaq ki, Aşıq Hüseyn Saraçlı 1916-cı ildə Gürcüstanın Bolnisi rayonunun Saraçlı kəndində anadan olub. O, 400-dən çox dastan və rəvayət bilən ustad sənətkar kimi tanınıb. Müxtəlif ölkələrdə konsertlərlə çıxış edib və türk dünyasında geniş şöhrət qazanıb.