2030-cu ilədək bu proses mümkün olacaq | Uçuş zamanı nələr araşdırılacaq?

Rusiya asteroidin yaxınlığına uçuş təşkil edə bilər.

Belə təkliflə Lavoçkin adına Elmi-İstehsalat Birliyinin inkişaf komandasının nümayəndəsi Aleksandr Simyonov çıxış edib.

O bunun 2030-cu illərdə Veneraya planlaşdırılan missiya zamanı mümkün olacağını bildirib. Ora stansiyalardan birinin avtomatik istiqamətləndirilməsi də nəzərdə tutulub.

A.Simyonovun sözlərinə görə, bu manevr elmi missiyanı zənginləşdirməyə kömək edəcək. Onun fikrincə, Veneraya uçarkən yolboyu mövcud asteroidləri müşahidə edib öyrənmək olar.

Tərtibatçılar koorbital asteroidləri, yəni Günəş sistemində təxminən planetlə eyni vaxtda fırlanan göy cisimlərini nəzərdən keçirirlər.

Bundan əvvəl Kosmonavtların Hazırlanması Mərkəzinin rəhbəri Maksim Xarlamov bildirib ki, kosmonavtlar Oleq Artemyev və Oleq Platonov “Amerika Crew Dragon” kosmik gəmisinin ekipaj üzvləri arasında yer ala bilərlər.