2032-ci il üçün gözləntilər qəti şəkildə təkzib edildi

ABŞ Milli Aeronavtika və Kosmik Tədqiqatlar Agentliyinin (NASA) “James Webb” kosmik teleskopunun yeni müşahidələrinə görə, YR4 asteroidinin 2032-ci ildə Ay ilə toqquşması ehtimalını qəti şəkildə istisna edib.

NASA xəbər verir ki, əvvəlki orbital hesablamalar asteroidin Yerin təbii peyki ilə toqquşması ehtimalının 4,3 faiz olduğunu göstərirdi. Lakin fevral ayında toplanan “James Webb” teleskopunun təkmilləşdirilmiş göstəriciləri asteroidin 22 dekabr 2032-ci ildə Ayın səthindən təxminən 13 200 mil təhlükəsiz məsafədən keçəcəyini təsdiqləyib.

Diametri təqribən 200 fut olduğu təxmin edilən asteroid 2024-cü ilin sonlarında Çilidə erkən xəbərdarlıq sistemi tərəfindən kəşf edilib. 2025-ci ilin əvvəllərində onun Yer ilə toqquşması ilə bağlı narahatlıqlar var idi, lakin bu ssenari tez bir zamanda istisna edildi. Ay ilə mümkün toqquşma ilə bağlı qeyri-müəyyənlik isə daha uzun müddət davam edib.

2025-ci ilin yazından bəri bu asteroidi müşahidə etmək üçün imkanlar zəif idi, keçən ay isə “James Webb” kosmik teleskopunun kamerası tərəfindən çəkilən şəkillər nəhayət ki, onun Ayın və Yerin ətrafından təhlükəsiz şəkildə keçəcəyini təsdiqlədi.