Bu hücum Rusiyaya da baha başa gəldi | Ukraynaya raket hücumu

Sentyabrın 3-ü axşam saatlarından 4-ü səhərə qədər Rusiya Silahlı Qüvvələri Ukraynaya 112 təyyarə tipli PUA və raketlərdən istifadə edərək hücum edib.

Ölkənin müdafiə nazirliyindən bildirilib ki, dronlardan 84-ü havada olarkən zərərsizləşdirilib.

Hücum nəticəsində Ukraynanın 22 müxtəlif ərazilərində yanğınlar baş verib. Odessa şəhərinə endirilən zərbə nəticəsində anbarda, yaşayış binasında yanğın baş verib, yük maşını zədələnib.

Ukrayna Silahlı Qüvvələrinin Baş Qərərgahından bildirilib ki, son sutka ərzində cəbhədə 180 hərbi toqquşma qeydə alınıb, onlardan 55-i Pokrovsk istiqamətində olub.

Bununla yanaşı, Ukrayna Ordusu müdafiə olunan zaman son sutka ərzində Rusiyanın 840 hərbçisini öldürüb. Rusiyanın 400-dən çox hərbi texnikası məhv edilib.

Rusiya Müdafiə Nazirliyindən isə bildirilib ki, gecə ərzində hava hücumundan müdafiə qüvvələri Ukraynaya məxsus 46 PUA-nı məhv edib.