Diabetdə inqilabi üsul | İynə vurmadan diabeti tənzimləmək üçün...

ABŞ-nin Karnegi Mellon Universitetinin alimləri ilk dəfə 3D bioprinterlə tam funksional mədəaltı vəzi toxuması çap ediblər.

Bu barədə “Gazeta.Ru” xəbər verir.

Bildirilir ki, bu model kollagendən hazırlanıb və insulin ifraz edə bilir. Bu da 1-ci tip diabet üçün ümidverici bir müalicə üsulu sayıla bilər. Hədəf xəstələrə hər gün insulin vurmaq əvəzinə bu orqanoidin bədənə köçürülməsi ilə orqanizmin özünün insulin istehsalını bərpa etməkdir.

Mədəaltı vəzi modeli qan damarlarına bənzəyən mikrotunellər da daxil olmaqla tam bioloji mühitdə işləyir. Ənənəvi plastik materiallarla müqayisədə kollagen insan orqanizminə daha uyğun olduğundan bu yanaşma müalicə və elmi tədqiqatlarda inqilab sayıla bilər. Bu texnologiya gələcəkdə diabet xəstələri üçün iynəsiz həyatı mümkün edə bilər.