“Drujba” neft kəməri işə düşəcək?

2026-cı il yanvarın sonunda Rusiya tərəfindən ciddi zədələnmiş "Drujba" neft kəməri ay yarım ərzində işə düşə bilər.

Bu barədə Ukrayna lideri Volodimir Zelenski Prezident Ofisində keçirilən müşavirənin yekunlarına dair brifinqdə bildirib.

"Biz məlumat verə bilərik ki, ay yarıma "Drujba" neft kəmərinin bərpası mümkündür. Lakin bu o demək deyil ki, dağıdılan hər şey bərpa olunacaq, ola bilsin ki, işlər paralel şəkildə davam etsin", – deyə Ukrayna Prezidenti bildirib.

O eyni zamanda vurğulayıb ki, Avropa İttifaqı ölkələri tərəfindən Ukraynaya maliyyə yardımının göstərilməsinin "Drujba" kəmərinin yenidən fəaliyyətə başlaması və Rusiya neftinin Macarıstanla Slovakiyaya tədarükünün bərpasından asılı olması narahatlıq doğurur.