Əhali dəhşət yaşadı | Ukraynanın bu şəhəri güclü hücumlarla silkələndi

İyunun 17-si səhər saatlarından etibarən Rusiya silahlı qüvvələri Ukraynanın Odessa şəhərini kütləvi dron hücumuna məruz qoyub.

Bu barədə ölkə mətbuatında məlumat verilib. Bildirilib ki, hadisə nəticəsində şəhərdə çoxmərtəbəli bina və fərdi yaşayış evləri yanıb, dağıntılar var.

Odessa administrasiyasının nümayəndəsi Oleq Kiper açıqlamasında bildirib ki, dron hücumun zamanı 17 nəfər yaralanıb, onların arasında uşaqlar da var.

“Təəssüflər olsun ki, dağıntılar altından 60 yaşlı qadının meyiti çıxarılıb. Daha bir neçə nəfərin axtarışları davam edir”, – deyə Kiper əlavə edib.

Rusiya Müdafiə Nazirliyindən isə vurğulanıb ki, iyunun 16-sı axşam saatlarından 17-si səhər saatlarına qədər Rusiyada Ukrayna silahlı qüvvələrinə məxsus 198 təyyarə tipli PUA məhv edilib.