Ermənistanda parlament seçkilərinin yekun nəticələri iyunun 14-də açıqlanacaq

İyunun 7-də Ermənistanda keçirilən parlament seçkilərinin yekun nəticələri iyunun 14-də elan olunacaq.

Bu barədə Ermənistanın Mərkəzi Seçki Komissiyasının sədri Vaaqn Ovakimyan məlumat verib.

"Nəticələrin yenidən sayılmasını və düzəliş edilməsini iyunun 12-nə qədər davam etdirəcəyik. Bundan sonra şikayətlər və ərizələr qiymətləndiriləcək. Yekun nəticələr 14 iyunda elan olunacaq", – deyə o bildirib.

Qeyd edək ki, iyunun 7-də Ermənistanda parlament seçkiləri keçirilib. Bülletenlərin 100 %-nin emalının yekunlarına əsasən, Baş nazir Nikol Paşinyanın "Vətəndaş Müqaviləsi" Partiyası seçicilərin 49,83% səsini toplayıb. İkinci yeri iş adamı Samvel Karapetyanla əlaqəli olan və 23,28% səs toplayan "Güclü Ermənistan" Partiyası tutub. Ermənistanın keçmiş prezidenti Robert Köçəryanın rəhbərlik etdiyi "Ermənistan" bloku isə 9,93% səs alıb.