Hansı ölkə Qətərə dəstək verəcək? | Tramp Böyük Britaniyanı niyə tənqid edib? - Baku TV

London Yaxın Şərqdə vəziyyətin gərginləşməsi fonunda Böyük Britaniya qırıcılarını Qətərə göndərəcək.

Bu barədə Böyük Britaniyanın Baş naziri Kir Starmer mətbuat konfransında bildirib.

"Biz bu ölkədə və bütün regionda müdafiə əməliyyatlarımızı gücləndirmək məqsədilə Qətərdəki eskadilyamıza qoşulmaq üçün dörd əlavə qırıcı göndəririk", – deyə o bildirib.

Starmerin sözlərinə görə, Britaniya Hərbi Dəniz Qüvvələrinin "HMS Dragon" esminesi Limasol şəhəri yaxınlığındakı Britaniya Hərbi Hava Qüvvələrinin Akrotiri bazasını qorumaq üçün Kiprə yola düşəcək.

Qeyd edək ki, ABŞ Prezidenti Donald Tramp da Starmeri İrana qarşı mümkün zərbələrə kifayət qədər dəstək vermədiyinə görə tənqid edib. Starmer isə cavabında bildirib ki, Böyük Britaniya müharibə başlamazdan əvvəl regionda hərbi texnika və qüvvələri əvvəlcədən yerləşdirib və vəziyyəti yaxından izləyir.