İranın daha bir limanı bombalandı: Ölənlər var - Baku TV

İranın cənubunda, Fars körfəzinin sahilində yerləşən Bəndər-Pol liman şəhəri bombalanıb.

"Al Hadath" telekanalının məlumatına görə, insident zamanı iki gəmi yanıb, azı beş nəfər həlak olub.

Telekanalın digər xəbərinə görə, İranın Müdafiə Nazirliyinin tədqiqat mərkəzinin rəhbəri Əli Fuladvənd İsrail-ABŞ birgə əməliyyatı zamanı ölkənin Borucerd şəhərində həlak olub. Rəsmi Tehran hələlik bu məlumatı təsdiqləməyib.

SEPAH Vaşinqton İran universitetlərinə edilən hücumları pisləməsə, Yaxın Şərqdəki Amerika universitetlərini vuracağı ilə hədələyib.

Bəyanatda həmçinin qeyd olunur ki, Vaşinqtonun cavabından asılı olmayaraq bombalanan İran universitetlərinin qisası olaraq Yaxın Şərqdəki iki Amerika universiteti məhv ediləcək.

Bu arada Bəhreynin "Aluminium Bahrain" şirkəti İran tərəfindən obyektlərinə hücum edildiyini təsdiqləyib. Hadisə nəticəsində iki nəfər yüngül xəsarət alıb.

Şirkət bildirib ki, hazırda obyektlərə dəyən ziyanın qiymətləndirilməsi aparılır.