İsrailin zərbələri nəticəsində 634 nəfər həyatını itirdi

Yaxın Şərqdə genişlənən hərbi əməliyyatlar fonunda Livan faciəvi günlərini yaşayır. Baku.tv-nin Livanın Səhiyyə Nazirliyinə istinadən verdiyi məlumata görə, 2026-cı il martın 2-dən başlayan intensiv İsrail hava zərbələri nəticəsində həyatını itirənlərin sayı 634 nəfərə çatıb. Qurbanlar arasında 91 uşaq və 47 qadın var. Hücumlar nəticəsində 1586 nəfər müxtəlif dərəcəli bədən xəsarətləri alıb, 816 mindən çox insan isə evlərini tərk edərək məcburi köçkünə çevrilib. Livanın səhiyyə naziri Rakan Nasreddin bildirib ki, İsrail ordusu təkcə hərbi hədəfləri deyil, həm də tibbi infrastruktur və humanitar yardım maşınlarını hədəf alır. Beynəlxalq təşkilatlar bölgədəki humanitar böhranın idarəolunmaz həddə çatdığı barədə xəbərdarlıq edərkən, Avropa İttifaqı Livan xalqına dəstək məqsədilə 100 milyon avro həcmində təcili yardım ayırıb. Videoda dağıdılmış məhəllələrdən son görüntülər, xəstəxanalardakı vəziyyət və xilasetmə əməliyyatlarının detalları təqdim olunur.