İsraillə məxfi anlaşma | Moskva Tehrana hərbi dəstək göndərəcək?

"ABŞ-nin müdaxiləsi İran-İsrail münaqişəsinin coğrafiyasının genişlənməsinə, eləcə də eskalasiyanın yeni fazasına gətirib çıxaracaq".

Bunu Rusiya Prezidentinin mətbuat katibi Dmitri Peskov bildirib.

O həmçinin qeyd edib ki, İsrail İranda "Buşehr" AES-də işləyən rusiyalı mütəxəssislərin təhlükəsizlikdə qalacağına söz verib.

"Elə dünən Rusiya Prezidenti Vladimir Putin xatırlatdı ki, İsrail ilə anlaşma var və "Buşehr"də işləyən mütəxəssislərimiz zərbə altında olmayacaqlar", ‒ deyə Kreml nümayəndəsi əlavə edib.

Dmitri Peskov vurğulayıb ki, Moskva İran-İsrail münaqişəsində vasitəçilik üçün böyük potensiala malikdir. Çünki hər iki ölkə ilə münasibətlərin sabitliyi qorunur. O qeyd edib ki, Rusiya-İran strateji tərəfdaşlıq müqaviləsində hərbi dəstək nəzərdə tutulmur.