İsrailli nazir hərbi əməliyyatların dərhal bərpa olunmasını istədi

İsrail ordusu Qəzza zolağına zərbələri bərpa edib.

"Clash Report"un "X" sosial şəbəkəsindəki hesabında yayımlanan videoda Qəzzanın mərkəzinin güclü zərbələrlə sarsıldığı görünür.

İsrail müdafiə ordusu sakinləri bölgədən təxliyə olunmağa çağırıb.

İsrailin Baş naziri Benyamin Netanyahu anklavın cənubunda baş verən atışma hadisəsindən sonra orduya Qəzzada silahlılara qarşı qəti addımlar atmağı əmr edib.

Ölkənin milli təhlükəsizlik naziri İtamar Ben-Qvir isə anklavda tammiqyaslı hərbi əməliyyatların dərhal bərpa olunmasını istəyib.

Bu arada, atəşkəs sazişinin qüvvəyə minməsindən sonra İsrailin hücumları nəticəsində Qəzzada 50-dən çox insan həlak olub, 150-dən çox yaralı var.

Bu barədə "Al Jazeera" telekanalı Fələstin anklavındakı tibbi mənbələrə istinadən məlumat yayıb.