Məşhur ukraynalı jurnalistdən Rusiya-Ukrayna müharibəsi barədə qalmaqal

“Rusiya-Ukrayna müharibəsi avqustun 15-də başa çatacaq”.

Belə bir iddia ilə məşhur ukraynalı jurnalist Dmitri Qordon çıxış edib.

O, açıqlamasında “Vaşinqtondakı çox etibarlı mənbələrə” istinad etdiyini deyib.

Qordonun sözlərinə görə, söhbət münaqişənin bitəcəyini proqnozlaşdıran “Vaşinqtonda çox yüksəkvəzifəli şəxslərdən” gedir. Jurnalist belə bir inkişafa ümid etdiyini, ancaq bunu görəndə inanacağını bildirib.

Xatırladaq ki, D.Qordon ötən ilin sonunda da bənzər proqnoz vermişdi, amma ehtimalları gerçəkləşməmişdi.

Qeyd edək ki, avqustun 15-də Vladimir Putin və ABŞ Prezidenti Donald Tramp Alyaskada danışıqlar aparacaq. Əsas mövzu Ukraynada sülhə nail olunmasıdır. Müzakirə olunan təkliflər arasında ərazi mübadiləsi və Kiyevin NATO-ya üzv olmaqdan imtinası məsələsi də ola bilər.