Müxtəlif ölkələrdən olan yüzlərlə turist itkin düşüb

Nepalın dağlıq Rasuva rayonunda Bxote-koşi çayında suyun səviyyəsinin qalxması səbəbindən güclü daşqınlar yaşanıb. Təbii fəlakət nəticəsində ölənlərin sayı 200-ə çatır.

Bu barədə polisin son hesabatında bildirilir.

Ən çox ölüm halı Çitvandadır, orada 64 cəsəd aşkarlanıb, Dhadinq rayonunda 27 nəfər, Navalparasidə isə 22 nəfər ölüb. Xəstəxanalara 41 nəfər çatdırılıb.

Nepal Turizm Nazirliyinin məlumatına görə, təxminən 403 turist itkin düşüb, onlardan 341-i əcnəbidir. Axtarış-xilasetmə əməliyyatında 3,3 min polis əməkdaşı iştirak edir.

Həmçinin bildirilib ki, su elektrik stansiyasında çalışan azı 8 cənubi koreyalı fəhlə itkin düşüb, daha 10 nəfər isə genişmiqyaslı qəfil daşqın nəticəsində mühasirədə qalıb. Nepal hakimiyyəti onların təxliyəsi üçün helikopter göndərib.