Pakistanda "Taliban"ın dəstəklədiyi terrorçular zərərsizləşdirildi

Pakistanla Əfqanıstan arasında 48 saatlıq atəşkəs qüvvədədir. Buna baxmayaraq “Fitnə əl Xəvaric” kimi tanınan “Təkriki-Taliban” qruplaşması terror aktı törədib.

Partlayıcı quraşdırılan avtomobil Pakistan Ordusunun hərbi məntəqəsinə çırpılıb. “Reuters”in məlumatına görə, Pakistan əsgərlərindən bəziləri ölüb.

“Geo TV” isə xəbər yayıb ki, hərbi məntəqəyə daxil olmaq istəyən 3 terrorçu zərərsizləşdirilib. Daha bir kamikadze avtomobilin partlaması nəticəsində ölüb. İnsident Şimali Vəziristanda qeydə alınıb.

Bajaurda isə yüz kiloqram partlayıcı olan avtomobil raketlə məhv edilib. Partlayıcılar Əfqanıstandan qaçaqmalçılıq yolu ilə Pakistana keçirilib. Datta Kheldə isə 6 terrorçu məhv edilib.