Pakistanın zərbələri nəticəsində 400-dən çox şəxs ölüb
Pakistan Ordusu Əfqanıstanın paytaxtı Kabilə hava zərbəsi endirib.
İlkin məlumatlara görə, azı 400 nəfər ölüb, 250 nəfər isə yaralanıb.
Əfqanıstan televiziya kanalı “Kabul News” məlumat verib ki, paytaxtda güclü partlayışlar eşidilib. Partlayışlar yerli sakinlər arasında narahatlıq yaradıb və təhlükəsizlik qüvvələrinin tez bir zamanda reaksiyasına səbəb olub.
Yerli medianın məlumatına görə, Kabilin 5-ci rayonunda bir neçə hökumət binasının yaxınlığında ən azı iki partlayış baş verib. Xüsusilə bəzi məlumatlarda Əfqanıstan Müdafiə Nazirliyinin yaxınlığındakı obyektlərə zərbə endirildiyi bildirilir. Lakin bu məlumat hələ rəsmi olaraq təsdiqlənməyib.
Bu arada, Taliban rəsmiləri Pakistanı Əfqanıstan hava məkanını pozmaqda ittiham ediblər. Talibanın sözçüsü Zəbiullah Mücahid Pakistan qüvvələrinin paytaxtdakı narkotikdən reabilitasiya mərkəzinə zərbə endirdiyini bildirib.
O qeyd edib ki, hücum nəticəsində müalicə alan xəstələr yaralanıb. O həmçinin hadisəni humanitar prinsiplərin və Əfqanıstanın suverenliyinin ciddi şəkildə pozulması adlandırıb.
Qeyd edək ki, son həftələrdə iki tərəf sərhədyanı hücumlar və silahlı fəaliyyətlə bağlı dəfələrlə bir-birilərini ittiham edib. Xüsusilə, İslamabad iddia edir ki, “Tehrik-e-Taliban” Pakistan yaraqlıları Əfqanıstandan fəaliyyət göstərir və Pakistan təhlükəsizlik qüvvələrinə hücumlar həyata keçirir.
Eyni zamanda Əfqanıstan tərəfi bu ittihamları rədd edir və Pakistanın bu cür iddialardan Əfqanıstan ərazisində hərbi əməliyyatlar aparmaq üçün bəhanə kimi istifadə etdiyini bildirir.
Тег #Pakistan Ordusu используется
- Pakistan Əfqanıstanı geri çəkilməyə məcbur edib
- Bəlucistanda 92 silahlı zərərsizləşdirildi
- Pakistan hind təyyarələrini 400 km-dən vuracaq | HƏRBİ XRONİKA
- Hindistanın bu məntəqələri darmadağın edildi | Mülki şəxslər müharibə qurbanı oldu
- Pakistan səmasındakı PUA-lar məhv edildi | İki ölkə arasındakı vəziyyət pik həddə
