Paris yeni ili sakit qarşılamadı | Fransada aləm bir-birinə dəydi - Baku TV

Yeni il gecəsi Fransada heç də bayram əhvali-ruhiyyəsi ilə keçməyib. Ölkə ərazisində 1173 avtomobil yandırılıb.

Maraqlısı budur ki, bu, ilk deyil. Ötən il də 984 nəqliyyat vasitəsi yandırılmışdı.

Polis və jandarmeriya 505 nəfəri saxlayıb. Onlardan 403-ü nəzarətə götürülüb. Parisdə isə 125 nəfər saxlanılıb, onlardan 75-i əsasən zorakılıq və vandalizm ittihamı ilə həbs edilib.

Fransada Yeni il gecəsi baş verənlər təkcə bir gecənin təhlükəsizlik statistikası deyil. Bu, illərdir təkrarlanan və artıq sistemli xarakter alan daxili böhranın növbəti təzahürüdür.

Yanan avtomobillərin sayı dəyişə bilər, saxlanılanların statistikası arta və ya azala bilər, amma mənzərə dəyişmir.

Hər il eyni sual ortaya çıxır. Bu hadisələr niyə məhz Yeni il gecəsi baş verir?