Paşinyan bir saat havada qaldı | Moskva səmasında nə baş verdi? - Baku TV

Ermənistan Baş naziri Nikol Paşinyanın təyyarəsi Moskvaya enə bilməyib.

Ukrayna dronlarının hücumu səbəbindən hava məkanı bağlandığından Paşinyanın olduğu təyyarənin dekabrın 11-nə keçən gecə Moskvaya enmək cəhdi uğursuz nəticələnib.

Təyyarə Tver bölgəsində təxminən bir saat dövrə vuraraq eniş üçün icazə gözləsə də, bu, mümkün olmayıb. Daha sonra hava gəmisi Pulkovo Hava Limanına yönləndirilib və Rusiya vaxtı ilə gecə saat 01:00 radələrində eniş edə bilib.

Qeyd edək ki, Almaniyada səfərdə olan Nikol Paşinyan Avrasiya İqtisadi İttifaqı Hökumətlərarası Şurasının iclasında iştirak etmək üçün Moskvaya yola düşüb. "Biz Avropa İttifaqı ilə münasibətlərimizi dərinləşdiririk, digər tərəfdən, buradan Moskvaya yollanıram. Heç bir narahatlıq yoxdur", – deyə Baş nazir vurğulayıb.