Paşinyan yeni konstitusiyanın qəbulunu gündəmə gətirəcəyini açıqlayıb - Baku TV

Ermənistanın Baş naziri Nikol Paşinyan iyun ayında keçiriləcək parlament seçkilərində yenidən seçildikdən və qanunverici orqanda siyasi çoxluq qazandıqdan sonra Ermənistan üçün yeni konstitusiyanın qəbul edilməsi təşəbbüsünü irəli sürəcəyini açıqlayıb.

O bu barədə yerli televiziyalardan birinə müsahibəsi zamanı danışıb.

“Bilirsiniz, biz heç vaxt Azərbaycanla və ya heç bir tərəfdaşla konstitusiya məsələsini müzakirə etməmişik. Çünki bu, yalnız bizim daxili gündəliyimizdir və biz bu gündəmdən çıxış edirik. Seçkilərdən və parlamentdə siyasi çoxluğun formalaşmasından sonra biz yeni konstitusiyanın qəbul edilməsi təşəbbüsünü irəli sürəcəyik”, – deyə Paşinyan bildirib.

Ermənistanın Baş naziri onu da xatırladıb ki, yeni konstitusiyanın qəbul edilməsi 2018-2020-ci illərdən bəri gündəmdədir.