Peskovdan həbs qərarı ilə bağlı mühüm açıqlama

Rəsmi Moskva Beynəlxalq Cinayət Məhkəməsinin Rusiyanın Baş Qərargah rəisi Valeri Gerasimov və Təhlükəsizlik Şurasının katibi Sergey Şoyqu barəsində verdiyi qərarları absurd hesab edir.

Bu barədə Kremlin sözçüsü Dmitri Peskov bildirib.

O xatırladıb ki, Rusiya sözügedən məhkəmənin yurisdiksiyasını tanımır:

“Biz müvafiq statutun üzvü deyilik. Buna görə də biz onların orderlərini tanımırıq. V.Gerasimov və S.Şoyqunun həbsi üçün verilən orderlər də Rusiya Prezidenti və Uşaq Ombudsmanı barədə qəbul edilən order kimi gülüncdür”.

Xatırladaq ki, Beynəlxalq Cinayət Məhkəməsi iyunun 25-də Rusiyanın Baş Qərargah rəisi Valeri Gerasimovun və Təhlükəsizlik Şurasının katibi Sergey Şoyqunun həbsinə order verib.