Qədim qarışqa növü kəşf olundu | Həşəratın heyrətamiz özəllikləri

Karib dənizi sahilində, kəhrəbada kamuflyaj qabiliyyəti ilə tanınan nadir "Basiceros" cinsinə aid qədim qarışqa tapılıb.

Bildirilir ki, o cəmi 5,13 millimetr uzunluğundadır.

Bu qarışqalar Kosta-Rikadan Braziliyaya qədər uzanan tropik meşələrdə yaşayır və bədənlərindəki xüsusi tüklər sayəsində torpaq hissəcikləri ilə örtünərək "göz qabağında gizlənməyi" bacarırlar.

Alimlər məhz bu unikal tükləri 3D vizuallaşdırma texnologiyası vasitəsilə daşlaşmış qarışqada müəyyən ediblər. Bu tüklər qarışqanın başını və ayaqlarını örtərək mükəmməl maskalanma yaradır.

Ekspertlərin sözlərinə görə, bu eksponat bəzi orqanizm qruplarının milyonlarla il ərzində necə sağ qala bildiyini anlamağa kömək edəcək daha böyük bir tapmacanın bir hissəsidir.