Rusiya və Çin yüksək texnologiyalı pilotsuz sistemlərin hazırlanmasında ABŞ-ni geridə qoyur | NYT

Rusiya və Çin yüksək texnologiyalı pilotsuz sistemlərin hazırlanmasında ABŞ-ni geridə qoyur.

Bu barədə "The New York Times" (NYT) müdafiə və kəşfiyyat idarələrindəki mənbələrinə istinadən məlumat yayıb.

Nəşrin məlumatına görə, Pentaqon rəsmiləri Rusiya və Çinin döyüş dronları sahəsindəki proqramlarının ABŞ-dəki analoqlarından daha sürətlə inkişaf etdiyi qənaətinə gəliblər.

Qeyd olunur ki, Çinin tərəqqisi ilə bağlı nəticələr 2025-ci ilin sentyabrında keçirilən hərbi paradda nümayiş etdirilən yeni pilotsuz sistemlərin analizindən sonra çıxarılıb. Bundan sonra ABŞ rəsmiləri müdafiə şirkətlərini hazırlıq prosesini sürətləndirməyə çağırıblar.

Materialda həmçinin bildirilir ki, Amerikanın "Anduril Industries" startapı 2026-cı ilin fevralında avtonom dronların istehsalına planlaşdırılan vaxtdan tez başlayıb, Pentaqon isə avtonom sistemlərin inkişafı üçün 13 milyard dollardan çox vəsait tələb edib.