Şimali Kiprdə təhlükəsizliklə bağlı tədbirlər görülür
Türkiyə martın 9-da Şimali Kiprdə 6 ədəd "F-16" təyyarəsi yerləşdirib.
Bu barədə Türkiyə Milli Müdafiə Nazirliyi məlumat yayıb.
Bildirilib ki, bu addım regionda baş verən son hadisələr kontekstində Şimali Kiprin təhlükəsizliyinin gücləndirilməsi məqsədilə atılıb.
"Belə ki, 6 ədəd "F-16" döyüş təyyarəsi və hava hücumundan müdafiə sistemləri bu gündən etibarən Şimali Kipr Türk Respublikasında yerləşdirilib. Hadisələrin gedişatına uyğun olaraq ehtiyac yarandığı təqdirdə əlavə tədbirlər də görüləcək", – deyə məlumatda qeyd olunur.
Xatırladaq ki, martın 8-də Şimali Kipr Türk Respublikasının Mülki Aviasiya Departamentinin direktoru Aşkın Meşeli Türkiyənin martın 9-u Şimali Kiprdə 6 ədəd "F-16" qırıcı təyyarəsi göndərəcəyini bildirib. Qeyd olunur ki, yerləşdirilmə mülki uçuşlara təsir etməyəcək.
